Hum jaise hi subah uthathe hain ek task list open ho jaati hai humare dimag mein. Jismein kuch tasks routine wale hote hain aur kuch naye. Aur ghaadi ki move hoti hue sueyon k sath hum uss tasks se bhri checklist mein tick krne lg jaate hain. Kabhi checklist time se pehle complete ho jaati hai toh kabhi kuch tasks next day carry forward ho jaate hain. Aur hum bindas apne din, hafte, mahiney aur saal uss checklist k peeche nikal dete hain.
Aur hadd hum tab krte hain jab hum apne logon ko tasks ki tarah treat krne lgte h. Jaise koi demarcation raha hi naa ho kaam aur logon mein. GF ko 6 months anniversary pe surprise dena hai, dad ko instalment ka reminder, mom ko new location ka update dena hai, husband ko time nikal kr call krna hain. Hum apne hi logon ko tasks notification ka hissa bnane lgte hain. Yeah kitna sahi hai aur kitna galat yeah toh main nhi jaanti. Bus itna jaanti hun ki tasks ko sayad hum next day complete kr skte hain lekin jo humare apne hai unhe sayad humari abhi aur issi waqt zarurat hai. Pyaar hai toh woh tasks list mein kya kar rahe hain. Kyunki kisi ne sahi kaha ki apno k liye waqt nikalna nhi padta unke liye toh haqt hota hi hai.
